أخترت أنا الفراق

 بكامل قواى العقلية
أخترت أنا الفراق
وماابي دروبك الغامضه
الوحله الوعره اللي مابها نور
أبي البسمه تنرسم بشفاي من بعدك
كل شي عني غايب بوجودك
قبل مااعرفك كنت عايش بسعادة وراحة بال
ومن عرفتك كل شي فقدته !!
واليوم ابي افراقك
وبقراري مقتنع ماابيك لو تكون أدواي
وش اخذت انا من عشرتك غير المرار
الهموم والظنون البستني وماذقت معاك الراحه
كلي ندم بمعرفتك وحظي العاثر جابني صوبك
وافعالك أفضحت نواياك وصحتني من غفوتي
كنت طول وقتي معك عايش بعالم مجهول
مضيع طريقي ومالي مستقر واليوم ادور الثبات
أبي اقضب أرضي وماأبي حبك يوديني بخبر كان
وش انا بخسر لو فارقتك بالعكس أنا كسبان راحتي
وياك تحضر المذله والاهانه وتبي تنول من كرامتي
وش عاد أبي بحبك اللي مليته ومليتك
مااتصور شخص يعيش الحب بليامشاعر
لكن معك أتصور كل شي لانك عديم الاحساس
مارحمت قلبي اللي حبك واحتواك وعدك روحه
زودته بطعونك وقتلت روحه
اللي كانت تنتعش بوجودك
وش عاد باقي ماسويت
كل الجروح بحضورك متواجده
وش هالحظ اللي رماني عليك
ليتني ماشفتك بدنيتي
أنا أعترف غلطت باختياري
وماأبي أعيش هاللحظات مره ثانيه
كرهتني بالحب ودروبه
ومن يوم قررت انا افراقك كل شي فيني تغير
ليتني قررت الفراق من زمان
وماعشت أيامي معك كلها ضيق وكدر!!
وبكامل قواى العقلية
أختار افراقك
اللي يحسسني بلذة الحياة من دونك !!